Santiago, 1 de marzo de 2010.- A Consellería de Economía e Industria crea unha bolsa de comercios baleiros coa finalidade de facilitar aos novos emprendedores a apertura de negocios, para relevar aos pequenos comerciantes que deciden abandonar a súa actividade, acolléndose ao programa de axudas da Dirección Xeral de Comercio, que financia cunha prestación de 10.000 € anuais aos comerciantes que deixan a súa actividade entre os 60 e 64 anos.

A Consellería que dirixe Javier Guerra, co obxectivo de fomentar o relevo xeracional e a rexeneración do tecido empresarial comercial coa posta no mercado de novos locais comerciais, ten publicado este luns no Diario Oficial de Galicia a orde de axudas a pequenos comerciantes individuais autónomos próximos a acadar a idade de xubilación que deciden deixar a súa actividade comercial...