Santiago, 12 de marzo de 2008.- O vicepresidente da Xunta, Anxo Quintana, e o conselleiro de Innovación e Industria, Fernando Blanco, presentaron hoxe en Compostela a Orde que determina o obxectivo de potencia eólica máxima para o período 2008-2012. Na súa intervención, o vicepresidente galego indicou que esta orde é o instrumento que vén completar o novo modelo eólico configurado polo Decreto publicado o pasado mes de decembro, e supón "o instrumento que nos vai consolidar como a primeira Comunidade do Estado e a sexta potencia mundial en produción de electricidade procedente do vento, acadando os 6.500 megawatios autorizados en 2012". Neste camiño, Quintana asegurou que "a nova política eólica promovida por este Goberno permitirá, por un lado, dar cumprimento ás recomendacións europeas e internacionais en materia enerxética e, por outra banda, vainos permitir tamén mirar polo noso"...