A todos os que aproveitan as posibilidades que nos brinda a Internet e se asoman ao día a día desta Consellería de Economía e Industria a través desta páxina web, quero darlles a benvida. Son, precisamente, as novas tecnoloxías, un piar fundamental para o progreso e a evolución das nosas empresas, do noso modelo industrial e o mellor soporte para acadar a súa plena internacionalización.

Esta Consellería de Economía e Industria que teño a honra de dirixir, asume o compromiso de estar ao servizo de Galicia nun momento tan delicado para a economía como é o actual; por iso, a nosa responsabilidade é maior. Na nosa axenda de traballo está facer de Galicia unha comunidade competitiva a nivel nacional e internacional, con industrias e empresas fortes, puxantes e capaces de aportar o que a nosa economía máis demanda: postos de traballo.

Temos por diante un gran reto e nel está posto todo o noso empeño para que Galicia recupere a confianza e se encamiñe na senda da vitalidade económica. Espero que esta páxina web e, a través dela, o equipo que conforma esta Consellería, poida dar resposta a calquera consulta que os cidadáns precisen resolver.

Sr. D. Javier Guerra Fernández, conselleiro de Economía e Industria