DIRECCIÓN XERAL DE COMERCIO

Funcións e competencias

ESTRUTURA

A Dirección Xeral de Comercio estrutúrase, para o exercicio das súas funcións, nas seguintes unidades:

• Subdirección Xeral de Comercio. Contará para isto coas seguintes unidades:
  • Servizo de Ordenación.
  • Servizo de Promoción Comercial.

ATRIBUCIÓNS

• A. EN MATERIA DE COMERCIO
  • A proposta da normativa relativa ao comercio interior e ás cámaras oficiais de comercio, industria e navegación.
  • A promoción, fomento, modernización e desenvolvemento do comercio e a programación e xestión de axudas destinadas para estes fins.
  • A reforma, coordinación e mellora das estruturas e dos procesos de distribución comercial.
  • A formación e asistencia técnica aos suxeitos da actividade comercial.
  • A asistencia aos concellos en materia de establecementos e espazos comerciais.
  • A planificación, programación e execución de actuacións destinadas a un maior coñecemento dos produtos galegos no mercado interior.
  • A planificación, programación e dirección das actuacións orientadas á promoción comercial de determinados sectores da economía galega que se consideren especialmente importantes para a comunidade autónoma.
  • O fomento de proxectos de cooperación económica entre empresas do sector, o impulso do asociacionismo comercial e a asistencia técnica comercial en colaboración con outras institucións e entidades.
  • A tramitación, información e elaboración de propostas de resolución dos expedientes en materia de grandes establecementos comerciais.
  • A coordinación, tutela, promoción e impulso da actividade das cámaras oficiais de comercio, industria e navegación da Comunidade Autónoma de Galicia.
• B. EN MATERIA DE ACTIVIDADES FEIRAIS
  • A proposta da normativa en materia de actividades feirais.
  • A dirección, coordinación, execución e control dos programas de actuación en materia de actividades feirais.
  • A execución da normativa relativa ás feiras internacionais.
  • A coordinación e apoio técnico da participación institucional da Comunidade Autónoma en feiras, exposicións e certames.
• C. EN MATERIA DE PREZOS
  • A elaboración, proposta, coordinación, execución e control de programas de actuación encamiñados á execución da política autonómica en materia de intervención de prezos.
  • A tramitación, información e elaboración de propostas de resolución dos expedientes en materia de prezos que deban someterse á Comisión de Prezos de Galicia.
• D. EN MATERIA DE ARTESANÍA
  • A proposta da normativa relativa á artesanía.
  • A elaboración, execución e seguimento de estudos e programas de actuación dirixidos á ordenación, promoción e desenvolvemento do sector artesán.
  • A elaboración, programación, execución, seguimento e difusión de estudos e estatísticas en materia de artesanía.
  • A xestión do Rexistro Xeral de Artesanía de Galicia.
  • A actuación como órgano de relación, participación e colaboración cos organismos, centros, entidades e institucións públicas e privadas de calquera índole, en materia de artesanía e, en particular, da Comisión Galega de Artesanía.